FILIPINO 6
PANUTO: BASAHIN AT UNAWAIN ANG KWENTO
KAIBIGAN NGA KAYA? (Binhi 6 pp. 16-17)
“Si Annie?” tanong ni Amanda sa kanyang mga bagong kaibigang sina Angela,Selina, Katherine at Marie. “A, Wala. Ayaw ko na sa kanya,” naiinis niyang sagot.
“Bakit?” usisa ni Selina.
“Hay, naku! Sawa na akong sumama sa kanya. Ang corny pa niyang kausap,” nasusuyang wika ni Amanda na halatang gusto lamang niyang pasikatan ang mga nakapalibot sa kanya.
Nagtawanan ang lahat.
“Tama ka! Sang-ayon ni Angela. “Kung gusto mong makasali sa grupo namin, dapat lamang na iwan mo siya dahil masyado siyang pandak at isip-bata.”
Nagtawanan na naman sila.
“A,e, sige. Teka, papasok na ako sa aming silid-aralan,” ani Amanda. “Baka maitala pa akong leyt.”
Nang makaalis na si Amanda,biglang nagtawanan ang mga kausap niya. “Ang galing mo palang makipagplastikan, Angela,” puna ni Marie na may paghanga.
“Sabi ko na sa inyo, e. Kayang-kaya kong gawin ang iniuutos ninyo sa akin,” mayabang na wika ni Angela.
“Oo nga. Hanga na kami sa iyo.” Papuri ni Katherine.
Tumawa si Selina. “Akala ni Amanda ay gustung-gusto natin siyang isama sa ating grupo. Handa pa niyang iwan ang kanyang kaibigan para lang matanggap siya sa ating grupo.”
“Hmp!” pairap na wika ni Angela. “Pareho lang naman sila ni Annie.”
Mula noon, iniwasan na ni Angela si Annie. Hindi maunawaan ni Annie ang pagbabago ng kaibigan. “Bakit ayaw mo ng sumama sa akin?”
“Mayroon na akong mga bagong kaibigan. Kay Angela na at mga kabarkada na niya ako sumasama.”
“Pero..”
“Basta ayaw ko na sa iyo. Huwag mong igiit ang sarili mo sa akin. Diyan ka na!” taas-noong sabi ni Amanda sabay talikod sa kausap.
Ganoon na lamang ang pagkabigla ni Annie. Hindi niya alam ang dahilan kung bakit siya kailangang layuan ng kaibigan. Dahil sa malaking sama ng loob, tuluyan na siyang napaiyak. Upang hindi makita ng ibang mag-aaral ang pagluha, dali-dali siyang nagkulong sa comfort room. Pilit niyang pinigil ang paghikbi nang may marinig siyang mga yabag na papasok.
“Dito muna tayo,” sabi ng isang tinig na kilala ni Annie. “May plano na ako para mapahiya si Amanda. Nang sa gayon ay matapos na ang paghamon ninyong ito sa akin.”
“Si Angela at ang kanyang mga kabarkada!” naisaloob ni Annie. Nakinig siyang mabuti.
“Ano? Ano?” tanong ni Marie.
“Ganito. Di ba kaarawan ko bukas at maghahanda ako? Inimbita ko lahat ang mga kaklase natin. Pati na ang ilang kaklase ni Amanda. Sinabi kong jeans at shirt ang isuot nila. Ganoon din tayo. Pero ang alam ni Amanda ay pormal na damit ang kailangang attire niya sa pagdalo. At tiyak na pagtatawanan siya ng lahat. Siguradong mapapahiya siya, di ba?”
“Ha! Ha! Ha!” sabay-sabay na halakhak ng magbabarkada. “Maganda iyon!”
Dali-daling lumabas si Annie nang matiyak niya na wala na ang kabarkada ni Angela. “Kailang malaman ni Amanda ang kanilang balak bago siya umuwi,” bulong ni Annie habang hinahanap sa paligid ng paaralan ang kaibigan.
“Ano ba ang pinagsasabi mo?” naguguluhang tanong ni Amanda.
Niloloko ka lang nina Angela. Isang paghamon lamang ang pakikipagkaibigan ni Angela sa iyo. Pahihiyain ka sa parti bukas,” sabi ni Annie.
“Ha! Naiinggit ka lang. Gusto mo lang wasakin ang pagkakaibigan namin. Huwag mong igiit na paniwalaan ko ang paninira mo sa kanila.”
“Pero totoo ang…”
Ngunit tumalikod na si Amanda at hindi na pinakinggan ang iba pang sinasabi ni Annie.
Sa parti.
“O, bakit wala pa si Amanda? Naiinip nang tanong ni Selina.
“Maghintay lang tayo,” mungkahi ni Angela. “darating din iyon.”
Di natagalan dumating na si Amanda. Bihis na bihis siya at nakameyk-up nang bumungad sa pintuan. Malakas na nagtawanan ang mga panauhin.
Agad lumapit si Amanda kay Angela. “Akala ko ba’y pormal ang isusuot? E, Bakit ganyang ang suot ninyong lahat?”
“A, e, ikaw ang nagkamali,” nanunuyang wika ni Angela. Ang sabi ko sa iyo ay kaswal ang attire. Ewan ko ba naman kung bakit ka nagpa star sa kaarawan ko pa naman!”
At muling nagtawanan ang lahat.
Napaiyak si Amanda sa malaking kahihiyan. Noon din ay nilisan niya ang lugar na iyon.
Gabing-gabi na’y hindi pa dinadalaw ng antok si Amanda. Si Annie ang nasa isip niya. “Napakalaki kong hangal. Nagawa kong talikuran ang isang tunay na kaibigan. Bukas na bukas din ay hihingi ako ng tawad sa kanya. Sana matanggap niya akong muli.
Note: Para sa may aklat, isulat sa aklat ang mga sagot sa Part I at II. Kung walang aklat, isulat sa kwaderno ang mga sagot sa mga pagsasanay.
Ang Part III ay sa papel isusulat ang sagot.
I. A. Isulat sa patlang ang titik ng kasingkahulugan ng salitang may salungguhit sa pangungusap.
_____1. Nalaman ni Annie ang balak ng barkada ni Angela sa darating niyang
kaarawan.
A. handa C. regalo
B. sorpresa D. plano
_____2. Gusto mong wasakin ang aming pagkakaibigan.
A. sirain C. putulin
B. tapusin D. guluhin
_____3. Huwag mong igiit ang sarili mo sa akin.
A. ilapit C. ipilit
B. igaya D. ilayo
_____4. Mabilis niyang nilisan ang lugar na iyon.
A. iniwan C. binalikan
B. inilibot D. pinasyalan
______5. Nais niyang pasikatan ang bago niyang mga kaibigan.
A. papurihan C. pagyabangan
B. pantayan D. pagsabihan
- Sagutin ng Oo o Hindi
_____1. Malakas na tawa ba ang halakhak?
_____2. Gustung-gusto pa ba ng isang tao ang gawaing sawa na siya?
_____3. Natutuwa ba ang batang pairap kung tumingin?
_____4. Ang tao bang nagsasalita nang may panunuya ay nagpaparamdam ng
pagmamahal?
_____5. Ayaw na bang makausap o makasama ang isang taong iniiwasan?
II. LINANGIN ANG KASANAYAN
A. Buuin ang detalye sa kwento. Bilugan / isulat ang titik ng tamang sagot.
- Mula nang napasama sa bagong barkada si Amanda,
- binago niya ang kanyang ugali
- ginaya niya sina Selina at Marie
- sinunod lamang niya si Angela
- iniwasan na niya si Annie
- Habang nasa comfort room, narinig ni Annie na may nag-uusap tungkol sa:
- ihahandang parti ng mga kabarkada sa bertdey ni Angela
- gagawin ni Angela para mapahiya si Amanda sa bertdey niya
- sasabihin kay Amanda para maging kabarkada siya ni Angela
- isusuot ng mga imbitado sa bertdey parti ni Angela.
- Sinabi ni Amanda sa mga kausap na:
- ayaw na niyang sumama kay Annie
- gusto niyang ibarkada sa kanila si Annie
- mahal niyang talaga ang kaibigang si Annie
- una niyang kaibigan si Annie kaysa sa kanila
- Nang matiyak na ni Annie na lumabas na ang narinig niyang nag-uusap sa loob ng comfort room,
- itinuloy niya ang pag-iyak na ayaw niyang makita ng ibang mag-aaral
- umuwi siya para magsumbong sa kanyang nanay
- hinanap niya si Amanda para sabihin ang kanyang narinig
- sinundan niya si Angela para pigilan siya sa balak nito
- Noong gabing napahiya si Amanda, si Annie ang nasa isipan niya at balak niyang…
- sisihin sa nangyari sa kanya
- humingi ng tawad sa kanya
- magpatulong sa pag-away kay Angela
- magsumbong sa panghihiya ni Angela
B. Sagutin sa buong pangungusap.
- Ano ang hinihiling ni Angela kay Amanda para makasali sa barkada niya?
- Ano ang hindi alam ni Amanda tungkol sa barkadang gusto niyang salihan?
- Bakit nabigla si Annie nang sabihin ni Amanda na ayaw na nito sa kanya?
- Paano ipinahiya ni Angela si Amanda sa kanyang bertdey parti?
- Ano ang pinagsisihan ni Amanda?
________________________________________________________________
III. Sagutin ang bawat tanong ng 5-7 pangungusap. Isulat ito sa buong papel at ipasa sa Hulyo 6, 2009.
- Bakit kailangan natin ng kaibigan sa ating buhay?
- Bilang isang kaibigan, paano mo ipakikita o ipaparamdam ang iyong pagmamahal sa iyong kaibigan?
